Prouvençau, veici la coupo Que nous vèn di Catalan : A–de–rèng beguen en troupo Lou vin pur de noste plant Coupo santo E versanto Vuejo à plen bord, Vuejo abord Lis estrambord E l’enavans di fort ! D’un vièi pople fièr e libre Sian bessai la finicioun ; E, se toumbon li Felibre, Toumbara nosto nacioum. Coupo santo E versanto Vuejo à plen bord, Vuejo abord Lis estrambord E l’enavans di fort ! D’uno raço que regreio Sian bessai li proumié gréu : Sian bessai de la patrio Li cepoun emai li priéu. Coupo santo E versanto Vuejo à plen bord, Vuejo abord Lis estrambord E l’enavans di fort ! Vuejo–nous lis esperanço E li raive dou jouvènt, Dou passat la remembranço E la fe dins l’an que vèn. Coupo santo E versanto

Vuejo à plen bord, Vuejo abord Lis estrambord E l’enavans di fort ! Vuejo–nous la couneissènço Dou Verai emai dou Bèu, E lis auti jouïssènço Que se trufon dou toumbèu. Coupo santo E versanto Vuejo à plen bord, Vuejo abord Lis estrambord E l’enavans di fort ! Vuejo–nous la Pouësio Pèr canta tout ço que viéu, Car es elo l’ambrousio Que tremudo l’ome en Diéu. Coupo santo E versanto Vuejo à plen bord, Vuejo abord Lis estrambord E l’enavans di fort ! Per la glori dou terraire Vautre enfin que sias counsènt, Catalan, de liuen, o fraire, Coumunien toutis ensèn ! Coupo santo E versanto Vuejo à plen bord, Vuejo abord Lis estrambord E l’enavans di fort !