Perleto

Perlo dóu Rose à risènt clar,
Blanco perleto enclauserello,
Coume uno perlo de la mar
L’Avignounenco èi palinello.

An la founsour di gourg amar
Sis iue negre qu’à mié pestello,
E, coume bat l’erso au vènt larg,
Bat soun sen dur e reboumbello.

Subre si bouco de courau,
L’alen èi dous coume, à la luno,
Lou labé d’estiéu long di duno.

E, souto lou riban rousau,
Soun péu a lou brun di niue bruno
Que la broufounié revoulumo.

Més de Baroncelli - Javon

D’Avignoun, 10 d’Avoust de 1891.

traduction